د جاپان مدني ټولنو د اګست په ۲۳مې نېټې د دغه هېواد په یوکوهاما ښار کې د “جاپاني پوځ د زهرجن ګاز نندارتون” پيل کړی، چې د ګڼو خلکو او رسنيو پاملرنه يې راجلب کړې ده.
د جاپان مدني ټولنو د دغه نندارتون موخه د جاپاني پوځ لخوا د نړيوالې جګړې او په تېره بيا پر چین د تېري پر مهال د زهرجنو ګازو د جوړېدو او کارېدو او د جاپاني پوځي پالنې د غوښتونکو د انسانيت ضد جرمونو افشا کول او غندل یاد کړي دي.
په نندارتون کې ډول ډول توکي او مواد نندارې ته وړاندې شوي او ټول يې د دې ښکارندويي کوي، چې جاپان د دوهمې نړیوالې جګړې په جریان کې زهرجن ګازونه او کیمیاوي وسلې کارولي، له زهرجنو ګازو څخه د استفادې لپاره یې ځانګړی پرسونل روزلی او دغه ډول وسلې یې د چين د تېري پرمهال هم کارولې دي.
د جاپان له ماتې وروسته، د زهرجنو ګازو ځينې وسلې په چین کې هم پاتې شوې وې، چې د سیمې خلکو ته یې دوامداره زیانونه رسولي دي.
د جاپان حکومت چين ته د دغو بدو کړنو تاوان نه دی ورکړی او نه یې هم تراوسه بښنه ترې غوښتې ده
