په روسیه کې د افغانستان سفیر ګل حسن حسن ویلي، چې د افغانستان او روسیې ترمنځ به د مستقیمو الوتنو شمېر زیات شي. نوموړي د روسیې له ټاس خبري اژانس سره په مرکه کې ویلي، چې د اریانا افغان هوايي شرکت د اونیزې الوتنې ترڅنګ به ډېر ژر کام ایر هم مسکو ته مستقیمې الوتنې پیل کړي. حسن زیاته کړې چې د دواړو هېوادونو د وګړو ترمنځ د متقابل سفر د زیاتوالي لپاره هڅې روانې دي چې دا به د الوتنو شمېر زیات کړي.
