د چين د څوارلسم ملي ولسي کانګرېس د څلورمې کلنۍ غونډې دويمه عمومي ناسته د مارچ د نهمې نېټې په سهار په بېجينګ کې د خلکو په لوی تالار کې ترسره شوه، چې عمومي منشي شي جين پینګ او نورو ګوندي او دولتي مشرانو هم پکې ګډون کړی و.
د چين د ملي ولسي کانګرېس د دايمي کمېټې مشر جاو له جي د دې کمېټې په سپارښتنې يادې ناستې ته د کمېټې کاري راپور وړاندې کړی دی.
کاري راپور وايي، د چین د ملي ولسي کانګرېس دايمي کمېټه پر سمې، اغېزمنې او حقوقي څارنې ټينګار لري، د څارنې قانون د تطبیق ميکانيزم يې ښه کړی، د اساسي قانون د تطبیق او د مرکزي حکومت، د څار ملي کمېټې، سترې محکمې او لوی څارنوالۍ د کارونو څارنه يې پياوړې کړې او ډاډ يې ترلاسه کړی، چې دولتي ارګانونه به له قوانينو سره سم خپل واکونه تطبیق او خپل مسئوليتونه به پوره کوي او دغه راز د دې تضمين يې هم کړی، چې د خلکو ډيموکراتيک حقونه او مشروع ګټې به ساتل او کارول کېږي.
کاري راپور ښيي، د ملي ولسي کانګرېس دايمي کمېټې له تېر يو کال راهیسې د قوانينو، حقوقي توضیحاتو او پرېکړو په اړه ۴۰ مسودې څېړلي او په روان کال کې به له پولې هاخوا د فساد ضد قانون او په جنوبي قطبي منطقو کې د فعاليتونو او د چاپېريال ساتنې قانون جوړ او د اوبو قانون او د بيا پيدا کېدونکو انرژيو قانون به تعديل کړي.