د امریکا په وسکانسن ایالت کې د پولیسو له لوري د جیکوب بلیک په نامه د یو تورپوستي تر ټپي کېدو وروسته یو ځل بیا اعتراضونو زور اخیستی دی. د یاد ایالت چارواکو ویلي چې په وسکانسن کې یې تر دوه ورځنیو خونړیو لاریونونو وروسته د اخ او ډب مخنیوي په موخه بېړنی حالت اعلان کړی دی. په ورته وخت کې، والي ټوني ايورز په کينوشا ښار کې هم د ملي ګارد د قوي حضور لارښوونه کړې ده. د یادونې ده چې وسکانسن کې پولیسو د تېرې یکشنبې په ورځ یو بل تور پوستی د لاریون پر مهال په ډزو وویشت او ټپي یې کړ چې تر هغه وروسته لاریون لا پراخ او په تاوتریخوالي واوښت.
