ترکیه د یونان، قبرس، فرانسې او ایټالیا د هوایي تمریناتو په غبرګون کې د سپټمبر میاشتې په اوله او دویمه مدیترانه کې نظامي مانورونه اجرا کوي. د اناتولي اژانس د خبر له مخې، د ترکیې د دفاع وزیر اعلان کړی دی چې هېواد به یې په مدیترانه کې له خپلو پلانونو په شا نه شي. خلوصي اکار زیاته کړې، مدیترانې په اړه د دوی اصول واضح دي او دوی به د خپل امنیت لپاره، هر هغه څه وکړي چې اړتیا یې وي. هغه ویلي، که هر څوک د دوی د پولو امنیت له ګواښ سره مخ کړي پر وړاندې به یې په زغرده ودرېږي او په خبره یې، ترکیه په دې برخه کې له هیچا او هیڅ ګواښه وېره نه لري.
