په کندوز ولایت د پایپ جوړولو یوې خصوصي فابریکې مسوولین وایي، چې دوی هره ورځ څه باندې څلور ټنه پي وي سي او پلاستیکي پایپونه تولیدوي او تولیدات یې د کندوز د ولسوالیو تر څنګ بغلان، بدخشان او تخار ولایتونو ته هم صادرېږي. د یاد شرکت مسوول خوانین پرواني رسنیو ته ویلي، چې پر دې فابریکې شاوخوا ۱۲ میلیونه افغانۍ پانګونه شوې او په مستقیم او غیرمستقیم ډول یې څه باندې ۶۰ کسانو ته د کار زمینه برابره کړې ده.
