جوزف کنت: د ایران جګړې ملاتړ زما د وجدان خلاف دی

د امریکا د ترهګرۍ ضد ملي مرکز مشر، جوزف کنت، خپله استعفا په ټولنیزو رسنیو کې اعلان کړه او ویې ویل چې د ایران د روانې جګړې ملاتړ د خپل وجدان خلاف ګڼي. هغه په خپل استعفا لیک کې ادعا کړې چې ایران د امریکا لپاره کوم فوري ګواښ نه و، او دا جګړه د بهرني فشارونو، په ځانګړي ډول د اسرائیل د نفوذ له امله پیل شوې ده. نوموړي دغه راز د امریکا د ولسمشر سیاستونو اشاره کړې او ویلي یې دي چې مخکې د نظامي ځواک کارول په محدود ډول ترسره کېدل، پرته له دې چې هېواد اوږدمهالو جګړو ته داخل شي. هغه د خپل شخصي ژوند تجربې ته په اشارې سره زیاته کړه چې د جګړې له سختو پایلو سره مخ شوی او نه غواړي راتلونکی نسل په داسې جګړه کې ښکېل شي چې د امریکا خلکو ته ګټه ونه لري.