د خیبرپښتونخوا په جنوبي وزیرستان کې په یو برید کې دوه پاکستاني پوځیان وژل شوي او دوه نور سخت ژوبل دي. د پاکستاني پوځ له لوري په خپرې شوې خبرپاڼه کې راغلي چې د جنوبي وزیرستان په پش زیات سیمه کې د پوځ پر یوه پوسته نامعلومو وسله والو برید کړی دی چې په پایله کې یې دوه پوځیان وژل شوي او دوه نور ټپیان شوي دي. پوځ ویلي چې تر پېښې وروسته سیمه کلابنده شوې او د لټون عملیات پیل شوي دي. د برید پړه د پاکستاني طالبانو تحریک پر غاړه اخیستې او د درېیو پوځیانو د وژلو ادعا یې کړې ده.
