د ۲۰۲۶م کال د برېکس هېوادونو د مشرانو د ۱۸مې غونډې په درشل کې، د چين ميډيا ګروپ سي جي ټي اېن(CGTN) د نړۍ په ۴۱ هېوادونو کې د ۱۲۲۵۰ کسانو تر منځ سروې تر سره کړې ده. د سروې پايله ښيي، چې له ۶۰ سلنې څخه زيات ګډونوال په دې باور دي چې په دې وروستيو کې په نړيوالو چارو کې د برېکس هېوادونو اغېزې زياتې شوې دي.
د سروې ۶۳ سلنه ګډونوالو د نړيوالې حکومتولۍ د سيسټم په اصلاح کې د برېکس هېوادونو د فعالو خدمتونو ستاينه کړې ده.
د ۲۰۲۶م کال د برېکس هېوادونو د مشرانو ۱۸مه غونډه به د دې سازمان په تاريخ کې د دوو پړاونو پراختيا او د برېکس د شریکو هېوادونو د ميکانيزم له پلي کېدو وروسته يوه مهمه غونډه وي. اوس د لوی برېکس ډله کې ۱۱ غړي هېوادونه او ۱۰ همکار هېوادونه شامل دي، د دغو هېوادونو عمومي نفوس د نړۍ د ټول نفوس له ۵۰ سلنې څخه زیات دی، اقتصادي حجم يې د نړیوال اقتصاد له ۴۰ سلنې څخه زیاته برخه جوړوي او د نړیوالې اقتصادي ودې په برخه کې یې ونډه له ۵۰ سلنې څخه زیاته ده. د سروې ۶۱.۶ سلنه ګډونوال په دې باور دي چې د لوی برېکس همکارۍ به د نړيوال نظم په لا عادلانه او متوازن پرمختګ کې لا ښه لارښوونه او مرسته وکړي.
