د جرمني د اقتصادي تحقیقاتو انسټيټوټ د سپتمبر په ۱۴مه نېټه د يوې اعلاميې په خپرولو سره ويلي، چې په چين کې د جرمني شرکتونو پانګونه په لوړه کچه ساتل شوې، د روان کال په لومړۍ نيمايي کې نوې پانګونه یې د تېر کال د همدې مودې په پرتله نږدې یو پر درېیمه زياتوالی ښيي.
د جرمني د مرکزي بانک شمېرې ښيي، چې د روان کال په لومړۍ نيمايي کې په چين کې د جرمني شرکتونو نوې پانګونه ۵ ميليارډو ۶۰۰ ميليونو يورو ته رسېدلې. شمېرې ښيي، تېر کال په چين کې د جرمني شرکتونو نوې پانګونه شاوخوا ۷ ميلياډو يورو وه.
د مالوماتو له مخې، په چين کې له ۸۵ سلنې څخه زيات جرمني شرکتونه پلان لري چې د خپلې سوداګرۍ اوسنۍ کچه وساتي يا یې نوره پراخه کړي، له نيمايي زیات شرکتونه يې غواړي خپله پانګونه نوره هم زياته کړي.
