د ترکیې ولسمشر د ګرځبندیز فرمان صادر کړ. د راپورونو له مخې د ترکیې ولسمشر رجب طیب اردوغان ویلي چې څلور ورځې به د ترکیې په ۳۱ ښارونو کې ګرځبندیز وي او ټولې چارې به حد اقل ته رسول کېږي. په ترکیه کې مثبتې پېښې ډېرې شوې دي خو لا هم په دغه هېواد کې خلک تګ راتګ کوي او د حکومت له لوري په رسمي توګه د ګرځبندیز پرېکړه نه وه شوې. اوس اردوغان ویلي چې په ۳۱ ښارونو کې به د کرونا له پراختیا د مخنیوي لپاره ګرځبندیز اعلانوي. په ترکیه کې تر دې دمه ۹۰۹۸۰ مثبتې پېښې ثبت شوې دي له دې ډلې ۲۱۴۰ کسه مړه شوي دي.
