وسله والو په مالي کې ۳۰ ملکي وګړي وژلي دي. د راپورونو له مخې د جنوبي افریقا په دې نارامه هېواد کې وسله والو ډلو پر یوه مسافر وړونکي موټر برید کړی دی او شاوخوا ۳۰ ملکي وګړي یې وژلي دي. ځايي چارواکي وایي چې په وژل شوو کې ښځې او ماشومان هم شامل دي.
روغتیايي چارواکو ویلي چې د پېښې له سیمې ۱۷ ټپیان هم وروړل شوي چې د ځينو روغتیايي وضعیت د اندېښنې وړ دی. د مالي هېواد چارواکي وايي چې د پېښې په اړه یې پلټنې پيل کړې دي خو تر اوسه هېڅ یوې ډلې ددغه برید مسوولیت نه دی منلی.
په مالي کې په وروستیو کې ورته امنیتي پېښې ډېرې شوې دي او دغه هېواد کې جګړو او بریدونو زور اخیستی.