امریکا کې د سخت توپان له امله درې کسان مړه شوي

د امریکایي رسنیو د راپورونو له مخې، د امریکا په مرکزي سیمو کې د وروستیو سختو توپانونو له امله ځاني او مالي زیانونه اوښتي دي. راپورونه وایي چې د امریکا په کریستي نوم او جنوبي داکوتای سیمو کې د سختو توپانونو له امله درې کسان مړه شوي او ګڼ شمېر نور ټپیان شوي دي. سیمه ییزو چارواکو ویلي چې د یادو توپانونو له امله سخت مالي زیانونه هم اوښتي دي خو تر اوسه پورې یې په اړه کره جزیات نه دي ورکړل شوي. راپورونو کې ویل شوي چې په یادو سیمو کې بېړنی وضعیت اعلان شوی دی او خلکو ته له سیمې څخه د وتلو امر شوی دی. د یادونې ده چې د روان کال په پیل کې هم په امریکا کې له سختو ورښتونو سره مل توپان د ۸۸ کسانو ژوند واخیست او په میلیونونو ډالر مالي زیانونه یې واړول.