ډونالډ ټرمپ: نیویارک له کنټرول وتلی، لاریون کوونکي وځپئ

د امریکا ولسمشر ډونالډ ټرمپ وروستیو لاریونونو سخت ورخطا کړی دی. نوموړي تازه د نیویارک ښار والي ته امر کړی چې لاریون کوونکي وځپي. ده ویلي نیویارک ښار د ورانیو، تشدد او غیر قانوني لاریونونو له امله له کنټرول وتلی دی. هغه والي ملامت بللی دی چې له فدرالي حکومت مرسته نه غواړي او په خپله هم د وضعیت په کنټرول کې ناکام دی. ټرمپ امر کړی چې په ډېری ښارونو کې د لاریون کوونکو پر وړاندې له ځواک کار واخیستل شي. دمګړی د امریکا پوځ په ګڼو ښارونو کې لارو کوڅو ته راوتلی دی. تر اوسه سلګونه لاریون کوونکي د حکومت له لوري نیول شوي دي.