پر غزې تراړې د اسراییلو د بريدونو له کبله د وژل شويو فلسطينيانو شمېر ۲۸ ته رسېدلی دی. راپورونو کې راغلي چې په وژل شويو کې شپږ ماشومان او دوې مېرمنې هم شاملې دي. د ياد شمېر کسانو پر وژل کېدو سربېره د اسرائيلو په بريدونو کې لږ تر لږه ۳۰۰ تنه نور ټپيان شوي هم دي. دا بريدونه د جمعې په ورځ پيل شوي او رسنيو په راپورونو کې ويلي چې په انتقامي اقداماتو کې فلسطين هم د اسرائيلو پر خاوره تر ۴۰۰ ډير توغندي ويشتلي دي. د فلسطین د راکټي بريدونو له کبله د اوښتې مرګ ژوبلې په اړه رسما څه نه دي ويل شوي خو اسرائيلو منلې چې په دې بريدونو کې يو کور نړيدلی او يو فارم سوځيدلی دی.
