د اسراییل روغتیا وزارت وایي، د دغه هېواد له لوري د فلسطین په اشغالي سیمو کې د کرونا ویروس دویمې څپې له امله ښایي زرګونه اسراییل خپل ژوند وبایلي. د اسراییل د روغتیا وزیر، یولي ادلستاین ویلي، په یاده سیمه کې د کرونا ویروس مثبتې پېښې مخ په ډېرېدو دي او په خبره یې، دا چاره د دغه ویروس د دویمې څپې څرګندونه کوي. نوموړي زیاته کړې چې که چېرې اسراییلي وګړي بندیزونه جدي ونه ګڼي او روغتیایي سپارښتنې په سم ډول عملي نه کړي نو ښایي وضعیت نور هم ترینګلی او زرګونه اسراییلیان خپل ژوند وبایلي.
