د سوریې ولسمشر بشارالاسد چین ته په سفر ځي

د سوریې د ولسمشرۍ دفتر وايي، ټاکل شوې د سوریې ولسمشر بشارالاسد سبا پنجشنبه چین ته سفر وکړي.   د سوریې د ولسمشرۍ دفتر په یوه اعلامیه کې ویلي، د چین د ولسمشر شي جین پینګ په رسمي بلنه اسد او د هغه مېرمن د پنجشنبې په ورځ چین ته خپل سفر پیلوي. اعلامیه وايي، له اسد سره به یو سیاسي او اقتصادي هیئت ملګری وي او دوی به په پلازمېنه پېکېنګ او هانګژو کې ځینې رسمي کتنې وکړي. د سوریې دولت پلوه ورځپاڼې ویلي ولسمشر اسد به راروانه شنبه د چین په هانګژو کې د اسیايي لوبو د پرانیستې په مراسمو کې ګډون وکړي.