ترکیې د خپلو نظامي تمریناتو په لړ کې یوه F-16 جنګي الوتکه په S-400 توغندویي سیسټم رانسکوره کړې چې دې چارې امریکا سخته غوسه کړې ده. دیفنز نیوز راپور ورکړی دی چې د ترکیې تر نظامي تمریناتو وروسته د امریکا کانګرس د یاد هېواد له لوري له روسیې څخه د اخیستل شوي توغندویي سیسټم په واسطه د اف ۱۶ جنګي الوتکې پر نسکورېدو سخت غوسه شوي او زیاته کړې یې ده چې د ترکیې وروستي تحرکات امریکا ته یو پټ ګواښ دی. د امریکا د سنا د بهرنیو اړیکو رییس جېم ریش بیا ویلي چې ترکیه یې یو باوري متحد هېواد دی خو په دې وروستیو کې یې د اړیکو ترینګلتیا دوی هم اندېښمن کړي دي.
