چین د کرونا ضد د لومړني واکسین د ثبت خبر ورکړی دی

د چینایي رسنیو د راپورونو له مخې په چین کې د کان سینو د دوا جوړونې یوې کمپنۍ ویلي چې په بریالۍ توګه یې د کرونا ضد واکسین جوړ کړی دی. بلخوا د چین د معنوي ملکیت سازمان هم ویلي چې د چین د لومړني واکسین د ثبت امتیاز کان سینو کمپنۍ ته ورګرځي او ددغه شرکت واکسین به خلکو ته وېشل کېږي. د دوا جوړونې دغه کمپنۍ د عفوني ناروغیو د متخصص چن وي تر نظر لاندې دغه واکسین جوړ کړي دي. د چین حکومت وایي که د کرونا بله څپه په چین کې خپره شي نو په چټکه توګه به ددغه ویروس د کنټرول لپاره یاد واکسین تولید شي. ویل کېږي چې دغه واکسین په څو میاشتو کې د ازمویښت له څو پړاونو تېر شوی دی. چینايي متخصیصین وایي چې د کرونا ویروس د کنټرول لپاره پر لا ډېرو تحقیقات هم بوخت دي.