اوکراین او روسیې د بندیانو د تبادلې پر سر هوکړه کړې

د راپورونو له مخې د ترکیې په استانبول کې د روسیې او اوکراین د پلاویو تر منځ پرون د خبرو اترو درېیم پړاو ترسره شو. دواړو خواوو د بندیانو پر تبادلې هوکړه وکړه، خو د اوربند، د جګړې د پای ته رسولو او د ولسمشرانو د لیدنې په اړه هېڅ راز توافق نه دی شوی. روسي او اوکرایني پلاویو په استانبول کې د ۴۰ دقیقو خبرو پر مهال د لږ تر لږه ۱۲۰۰ بندیانو د تبادلې پر سر هوکړه کړې ده.، خو د اوربند او د ولسمشرانو د لیدنې په اړه کوم پرمختګ ونه شو. راپورونه وایي، دواړو لوریو ومنله، چې لږ تر لږه ۱۲۰۰ بندیان به تبادله کړي او روسیې دغه راز د سلګونه اوکرایني جسدونو د سپارلو وړاندیز وکړ. د راپورونو له مخې، اوکراین د زېلېنسکي او پوتین د لیدنې وړاندیز کړی، خو مسکو ټینګار کړی چې داسې ناسته باید یوازې د هوکړې د لاسلیک لپاره وي.