اسټرالیا؛ د چورلکې لوېدو پېښه کې څلور تنه نادرکه دي

د اسټرالیا کوینزلېنډ ایالت کې د یاد هېواد یوه پوځي چورلکه غورځېدلې چې له امله په کې سپاره ۴ واړه کسان لادرکه شوي دي. د معلوماتو له مخې، چورلکه له امریکایي ځواکونو سره د استرالیايي ځواکونو د ګډو پوځي تمریناتو په لړ کې غورځېدلې ده. د راپورونو له مخې، د پلټنې پراخه عملیات پيل شوي او اټکل کېږي ساحل ته نږدې موندل شوې پاتې شوني به د یادې چورلکې وي، خو په کې د سپرو کسانو د وضعیت په اړه دقیق معلومات نشته.