امریکا روسیې ته؛ ځواکونه د اوکراین له پولو په شا کړئ

امریکا یو ځل بیا له روسیې غوښتي چې خپل ځواکونه د اوکراین له پولو په شا کړي. د امریکا د بهرنیو چارو وزیر له خپل روسي سیال سره تلیفوني خبرې کړې دي خو داسې ښکاري چې کومه پایله یې نه ده لرلې. بلینکن له لاوروف غوښتي چې خپل ځواکونه د اوکراین له پولو په شا کړي او له دغه هېواد سره کشمکش ته د پای ټکی کېږدي. لاوروف بیا وایي دوی خپلې امنیتي اندېښنې لري چې ناټو او امریکا تر دې دمه ځواب نه دی ورکړی. رسنۍ بیا وایي چې روسیې د اوکراین له پولې سره تحرکات نور هم ډېر کړي دي.