امریکا د اټومي مذاکراتو په برخه کې د ایران مهمه غوښتنه و نه منله. د راپورونو له مخې د امریکا د بهرنیو چارو وزارت ویاند نیډ پرایس ویلي چې ایران ترې د ترهګرو له لیست د سپاه پاسداران ایستل غواړي هغه غوښتنه چې له اټومي هوکړې سره هېڅ تړاو نه لري او امریکا ته هم د منلو وړ نه ده.
د امریکا د بهرنیو چارو وزارت وایي که ایران غواړي چې مذاکراتو کې پرمختګ راشي نو ښه به وي چې یوازې په اټومي هوکړه پورې اړوند مسایلو باندې تمرکز وکړي. ایران وایي اټومي هوکړه کې د پرمختګ لپاره باید سپاه پاسداران د ترهګرو ډلو له لیست و ایستل شي او ځینې نورې غوښتنې یې هم و منل شي.
خو امریکا وایي که له اټومي هوکړې غیراړوند غوښتنو مطرح کېدل روان وي، نو دوی هم داسې اندېښنې لري چې باید ایران یې ځواب ووايي.
