د ایران او ځواکمنو هېوادونو ترمنځ یو ځل بیا پر اټومي هوکړه ناندرۍ رامنځ ته شوې دي. امریکا او څو اروپايي هېوادونه وايي چې ایران د اټومي انرژۍ له نړیوالې ادارې سره همکاري نه کوي او تازه په ځينو اټومي تاسیساتو کې مشکوک راډیو اکټیف مواد کشف شوي چې ایران یې په اړه له وضاحت ورکولو ډډه کوي.
دوی پر ایران د فشارونو او بندیزونو خبرداری ورکړی دی. له دې سره جوخت د ایران د بهرنیو چارو وزیر ویلي چې که نړۍ پر دوی فشار او بندیزونو ته ادامه ورکړي نو دوی به هم تړلي لاس نه کېني او له خپلو حقونو به دفاع ته ادامه ورکوي.
