بلوچستان کې؛ پر پاکستاني عسکرو چاودنې اوو کسانو ته مرګ ژوبله اړولې ده

په بلوچستان کې پر پاکستاني ملیشه ځواکونو چاودنه شوې او اوو کسانو ته یې مرګ ژوبله اړولې ده. د راپورونو له مخې د پاکستان ملیشه ځواکونه په بلوچستان کې عملیاتو ته روان وو، چې د سړک غاړې ته ځای پر ځای شوی ماین ورباندې چاودلی دی. په پېښه کې څلور عسکر وژل شوي او د یوه لوړپوړي افسر په ګډون درې نور ټپیان دي. پاکستاني حکومت دغه راپورونه تایید کړي او امنیتي سرچینو رسنیو ته ویلي چې د ټپيانو روغتیايي وضعیت هم د اندېښنې وړ دی. په وروستیو کې پر پاکستاني ځواکونو بریدونه ډېر شوي دي او نږدې هره ورځ ګڼو عسکرو ته مرګ ژوبله اوړي. ددې ډول پېښو ډېری مسوولیت د پاکستاني طا لبانو ډله اخي.