پاکستان؛ اورګاډي کې اورلګېدنې ۷ کسان مړه کړي دي

د پاکستان په جنوب کې په یوه اورګاډي کې د اورلګېدنې له کبله ۷ کسان مړه شوي دي. راپورونه وايي چې دغه اورګاډی له کراچۍ څخه لاهور ته په لاره وو چې اور ېې واخیست. د پاکستان د اورګاډو د ادارې یو چارواکي محسن سیال ویلي چې دغه اورګاډي د کراچۍ ښار شمال ته په شاوخوا ۵۰۰ کيلومترۍ کې پرتې خیرپور ولسوالۍ کې اور واخیست. هغه وويل ۷ کسان د اور په لمبو کې مړه شوي او يوې ښځې چې د اورګاډي له کړکۍ څخه ېې دباندې ټوپ کړی وو هم خپل ژوند له لاسه ورکړی دی. په اورګاډي کې اورلګېدنه هغه مهال رامنځ ته شوه چې د مسافر وړونکي اورګاډي پر سر يو موټر اور واخیست.