کونړ کې د ترافیکي پېښې له امله پنځو کسانو ته مرګ ژوبله اوښتې

د نورستان امنیتي مسوولین وايي، چې د دغه ولایت د نورګرام ولسوالۍ په شمګل سیمه کې د یوه ډاټسن موټر د چپه کېدو له امله دوه کسان مړه شوي او درې نور ټپیان دي. د نورستان د امنیې قومندانۍ د معلوماتو له مخې، دغه موټر له منډول ولسوالۍ څخه د لغمان پر لور روان و چې په شمګل سیمه کې له سړک څخه اوښتی او چپه شوی دی. د یادې پېښې ټپیان د درملنې لپاره روغتیايي مرکز ته لېږدول شوي دي.