د چين د وو جن د انټرنېټ کلنۍ سرمشريزه د نومبر په شلمې نېټې د چين د جه جيانګ ولايت په وو جن علاقه دارۍ کې پرانيستل شوه.
د چين دولت رئيس شي جين پینګ يادې سرمشريزې ته د مبارکۍ پيغام کې ويلي، چې هېواد به یې له نورو هېوادونو سره يو ځای په انټرنېټي چارو کې د ګډ برخليک ټولنې د ابادۍ او د خلکو د ګټو لپاره هڅې وکړي.
روان کال د چين د دولت رئیس شي جین پينګ له خوا د ټاکل شوې (د پياوړي انټرنېټي هېواد د ابادۍ ستراتيژي) موخې د بشپړولو له لسمې کاليزې او د چيني او نړيوال انټرنېټ د پیوستون له دېرشمې کاليزې سره برابر دی.
د ووجن سرمشريزه په تېرې يوې لسیزې کې د چين د انټرنېټي چارو د پرمختيایي جريان شاهده پاتې شوې ده.
چين اوسمهال د پنځم نسل(5G) تخنيکي شبکې د پيمانې، د انټرنېټ کاروونکو د اندازې، د انټرنېټي پلورنې د ارزښت او په موبايل ټليفونونو د تادياتي اندازې په شمول ډېرو انټرنېټي چارو کې مخکښ مقام نيولی او اوس يې له لوی انټرنېټي هېواد څخه د پياوړي ډيجيټلی هېواد په لوري ګامونه پورته کړي دي.
شمېرې ښيي، تېر کال د چين د ډيجيټلي اقتصاد پيمانه ۵۳۹۰۰ ميليارډه يوانه وه او د کورني توليد په عمومي ارزښت کې خدمتي انډول يې په سلو کې ۶۶ اعشاريه ۴۵ ته رسېدلی دی. پورتنۍ شمېرې د چينايانو لپاره د ډېرو اسانتياوو د برابرولو او د دوی ښه ژوند ښکارندويي کوي.
د چين دولت رئيس شي جين پینګ د اېپيک ۳۱مې غير رسمي سرمشريزې ته (( د ډېټا نړيوالې تبادلې او همکارۍ)) وړانديز کړی دی. د وو جن په سږنۍ سرمشريزې کې د دغه وړانديز په تړاو يو سند خپور شوی او د ډېټا او شمېرو د نړيوالې تبادلې د ادارې په اړه پکې د چین لايحه وړاندې شوې ده.
په دغه سند کې ويل شوي، چين پر پرانيستو، ټولشمولو، امنيتي او همکاريزو او ناتوپيري اصولو ټينګار لري او د ډېټا د خونديتوب د نړيوالو تبادلو لپاره به هڅې وکړي.
شنونکي دا ((د ډېټا نړيوال امنيت)) وړاندیز تر خپرېدو وروسته په يادخ برخه کې د چين بل مهم وړانديز بولي، چې د څو اړخيزم د پلي کولو لپاره د دغه هېواد د ټينګې ارادې ښکارندويي کوي.
د چین دولت رئيس شي جين پينګ د ۲۰۱۵م کال د ډسمبر په ۱۶مې نېټې د دوهمې نړيوالې انټرنېټي غونډې په پرانيستونکو مراسمو کې ګډون او وينا وکړه او په لومړي ځل يې د نړيوال انټرنېټي اداري سيسټم د اصلاحاتو د پرمخبېولو څلور اصول او د انټرنېټ د ګډ برخليک ټولنې د ابادۍ پنځه فقره ييز وړانديز يې اعلان کړل.
دغې سرمشريزې د مصنوعي ځيرکتيا د تخنيک، صنعتي پرمختګ او د انسانانو د اقتصاد او ټولنې پر اغېزو تمرکز درلوده. چين د مصنوعي ځيرکتيا د پرمختګ او خونديتوب په برخه کې فعالې هڅې کوي او وړانديزونو او ژمنو ته د عمل جامې اچوي.
د ووجن لومړۍ سرمشريزه لس کاله مخکې ترسره شوې وه او اوسمهال دغه سرمشريزه نوي لس کلن پړاو ته داخله شوې ده.
ياده سرمشيزه په تېرې لسيزې کې داسې لويه انټرنېټي غونډه ګرځېدلې، چې په چين کې يې پيمانه ډېره لويه او کچه يې لوړه ده. تراوسه پورې څه باندې لس زرو کورنيو او بهرنيو مېلمنو پکې ګډون کړی او د غونډې تشکیلاتي کمېټې يې څه باندې سل فعاليتونه ترسره کړي، چې پر مټ يې ووجن د نړۍ د مخکښو انټرنېټي تخنيکونو د خپرولو لومړی ځای ګرځېدلی دی.
نړۍ يوازې د همکاريو له لارې ښه راتلونکی برابرولی او د ګډو برياليتوبونو له لارې يو له بل سره دايمي اړيکې ټينګولی شي.
د سږنۍ سرمشريزې ګډونوالو پر ګډو مشورو، ابادۍ او د معلوماتو د شريکولو پر نړيوالو اداري افکارو ټينګار کړی او د لا روښانه ډيجيټلي راتلونکي د برابرولو په موخه یې د انټرنېټي او ډيجيټلي اقتصادي پرمختګ په ګړندي اورګاډي کې د بېلا بېلو هېوادونو د ځای لپاره هڅې کړې دي.
