د چین د سوداګرۍ وزارت ویاند د می په دوهمه نېټه د چین او امریکا د اقتصادي او سوداګریزو خبرو اترو د مسئلې په اړه د خبریالانو پوښتنو ته ځواب ورکړ. هغه وویل چې د امریکا لوړ پوړو چارواکو په مکرر ډول د تعرفو په اړه له چین سره د خبرو اترو لپاره خپله لیوالتیا ښودلې ده. په ورته وخت کې، امریکا په دې وروستیو کې د اړوندو خواوو له لارې چین ته په فعاله توګه معلومات رسولي دي چې له چین سره خبرې اترې غواړي. چین په دې اړه ارزونه روانه کړې ده.
نوموړي وویل، د چین خوا ټینګار وکړ چې که امریکا په احتمالي خبرو اترو یا ډیالوګ کې د یو اړخیزو تعرفو په اړه خپل غلطي سیاست سم نه کړي، نو داسې خبرې اترې به د دواړو خواوو ترمنځ متقابل باور نور هم زیانمن کړي.
