د کلیو د بیارغونې او پراختیا وزارت خبر ورکړی، چې د بلخ ولایت په نهر شاهي ولسوالۍ کې د اوبو رسولو یوې شبکې په جوړېدو سره لسګونو کورنیو ته د څښاک اوبه برابرې شوې دي. یاد وزارت په یوه خبر پاڼه کې ویلي، چې د بلخ د کلیو بیارغونې او پراختیا ریاست له لوري د دغه ولایت په نهر شاهي ولسوالۍ کې د ۸.۵ میلیونه افغانیو په لګښت د اوبو رسولو یوې شبکې د جوړولو چارې بشپړې او ګټې اخیستنې ته سپارل شوې ده. د مالوماتو له مخې په یاده شبکه کې د ۱۳۰مترو په ژوروالي د یوې څاه کیندل، د ۴۰ متره مکعب په وړتیا د پاکو اوبو یوې ذخیرې جوړول، د ۳۲ سولر تختو او ۲۶۰ شیردانونو نښلول شامل دي.
- Trending
- Comments
- ورستی
