د چین دولت رئیس شي جين پينګ د مې په ۱۷مه نېټه په بغداد کې د عرب لیګ د ۳۴مې سرمشریزې د ترسره کېدو په مناسبت د دې سرمشریزې د نوبتي رئیسه هېواد عراق ولسمشر عبداللطیف جمال الرشید ته د مبارکۍ پيغام ولیږه.
شي جين پينګ په پيغام کې لیکلي، د عرب لیګ د خپل جوړېدو له ۸۰ کلونو راهیسې تل د عربي هېوادونو د اتحاد او پياوړتیا هڅونه کړې او د منځني ختیځ د سولې، ثبات او سمسورتیا لپاره يې کوښښونه کړي دي. ده زیاته کړې چې د نړۍ په اوسني ترینګلي وضعیت کې، عربي هېوادونو پر خپلواکۍ ټینګار کړی او د سراسري جنوب قوت د زیاتېدو لپاره یې مثبت رول لوبولی دی. ده ویلي چې چین غواړي له عربي هېوادونو سره د ګډ برخلیک د لا لوړې سویې ټولنې جوړولو لپاره په ګډه زیارونه وباسي.
