سره ‌صلیب هلمند کې د څه باندې ۱۹ زره کسانو درملنه کړې

د سره صلیب مسوولین وايي، چې تېرکال په هلمند ولایت کې د معلولینو فزیکي بیارغونې مرکز ۱۹ زره ۱۸۹ ناروغانو ته روغتیايي خدمتونه وړاندې کړي. د سره صلیب مرکز مسوول سېوا کوګن ویلي، چې دغه مرکز له ۲۰۱۰ میلادي کال راهیسې په هلمند کې فعالیت کوي. نوموړي زیاته کړه، تېرکال یې ۳۹۳ تنو ته مصنوعي لاسونه او پښې، ۲۷۱ تنو ته وېلچرونه وېشلي، او پاتې ناروغانو ته یې نور خدمات هم وړاندې کړي، چې ۳۵ سلنه یې مېرمنې دي.