د امریکا او ایران تر منځ پنځم پړاو خبرې پای‌ته ورسېدې

د ایران او امریکا ترمنځ د اټومي هوکړې په اړه د خبرو پنځم پړاو پرون پای ته ورسېد. د رویټرز خبري اژانس د راپور له مخې، دغه خبرې چې د ایران د اټومي پروګرام د شخړو د حل په موخه پیل شوې وې، تر دې دمه پکې محدود پرمختګ شوی دی. رویټرز د یوې باوري سرچینې په حواله ویلي، که څه هم د راتلونکو خبرو کره نېټه او ځای لا نه دی روښانه، خو تمه ده چې خبرې به دوام ومومي. تر اوسه امریکایي پلاوي په دې اړه رسمي څرګندونې نه دي کړي.