په کابل کې د غوټۍ کتاب مخکتنې په پروګرام کې چې کومو ښوونکو او ځوانانو برخه اخیستې وه، دغه کتاب یې یوه مهمه اړتیا وبلله او زیاته یې کړه، چې دغه کتاب نه یوازې د ماشومانو لپاره بلکې د ځوانانو لپاره هم ډېر مهم دی او په ډېرو اړینو موضوعاتو پکې بحث شوی دی.
په غونډه کې صفي الله ناصري وویل، چې د غوټۍ کتاب چې په پښتو ژبه لیکل شوی تر اوسه مهاله پورې په ګڼ شمېر ماشومانو وېشل شوی دی او لاهم د دغه کتاب د وېش لړۍ دوام لري.
دغه راز یو شمیر ښوونکو وویل، چې د غوټۍ په کتاب کې د چاپیریالي موضوعاتو تر څنګ باد، اوبه او د اقلیم په اړه باندې ډير مهم موضوعات را اخیستل شوي دي او د دې کتاب په لوست سره به ماشومان او په ټوله کې ځوانان تر ډيره په یاد شویو موضوعاتو پوی شي.
د غوټۍ کوچنی ټولګي کتاب تر دې دمه په زیاتره ښوونځيو او ښوونیزو مرکزونو کې پر سلګونه ماشومانو ویشل شوی او د لوستونکو له تاوده هرکلي سره مخ شوی.
