شمالي کوریا نن یو ځل بیا اته لنډ واټن ویشتونکي بالستیک توغندي ازمویلي دي. د جنوبي کوریا پوځ په خپره کړې اعلامیه کې ویلي چې شمالي کوریا نن سهار په ځایي وخت نهه بجې اته بالستیک توغندي ازمویلي دي.
دوی وایي چې دا توغندي لنډ واټن ویشتونکي دي او د جنوبي کوریا د اوبو پر لور توغول شوي دي. جنوبي کوریا د شمالي کوریا دغه اقدام اندېښمنوونکی بللی دی. تر دې څو ورځې وړاندې هم شمالي کوریا ځینې توغندي ازمویلي وو، چې د ملګرو ملتونو امنیت شورا یې په ځواب کې د بندیزونو د ډېرولو خبرداری ورکړی دی.