ټاکل شوې، د چين د کمونېست ګوند د شلمې مرکزي کمېټې درېيمه عمومي غونډه به په روانې جولای کې په پلازمېنې بېجينګ کې ترسره شي.
دغه غونډه د چين تر ټولو مهمه وروستۍ سياسي پېښه بلل کيږي او د دغه هېواد او نړۍ په لر او بر کې يې د خلکو پاملرنه راجلب کړې ده. خلکو ارزونې کړي او مالومات لري، چې د چين د کمونېست ګوند د هرې دورې مرکزي کمېټې درېيمه عمومي غونډه د دغه هېواد د اصلاحاتو او ورخلاصون لپاره ډېره مهمه ده.
پوښتنه دا ده، چې د دغه ګوند د شلمې مرکزي کمېټې په جوړېدونکې درېيمې غونډې کې به کومې مهمې پرېکړې وشي؟ او پر چين او نړۍ به څه اغېزې ولري؟
د چين د کمونېست ګوند ملي کانګرېس په هرو پنځو کلونو کې يو ځل ترسره کيږي او د دغه ګوند مرکزي کمېټه د دوو ملي کانګرېسونو په منځ کې اووه عمومي غونډه ترسره کوي او د ګوند د ځاني مديريت، د پوسټونو د ټاکلو او د هېواد د ټولنې او اقتصاد په ګډون د بېلا بېلو برخو په اړه بحثونه او اړوندې پرېکړې کوي. د دغه ګوند د يوولسمې مرکزي کمېټې په درېيمې غونډې کې، چې په ۱۹۷۸م کال کې ترسره شوه، د هېواد د اصلاحاتو او ورخلاصون په تړاو ډېرې مهمې پرېکړې وشوې يا په بله ژبه، هغه څه چې د مرکزي کمېټې درېيمې غونډې کې ټاکل شوي، د چين په پراختیايي ستراتېژيو پسې تړاو لري او هر ځل درېیمه غونډه يې د دغه هېواد د اصلاحاتو او ورخلاصون د نښو نښانو ښودنه کوي او د حکومتوالۍ په اړه د کمونېست ګوند د مهمو پرېکړو او تدبيرونو معلومات ورکوي.
د بېلګې په توګه، د چين د کمونېست ګوند د يوولسمې مرکزي کمېټې درېيمه غونډه، چې د ۱۹۷۸ م کال په ډسمبر کې ترسره شوه، د هېواد په اصلاحاتو او ورخلاصون څرخېده او د نوي چين یا د چین ولسي جمهوريت د تاريخي بدلون په اړه پکې پرېکړه وشوه، چې د دغه هېواد د اصلاحاتو او ورخلاصون او د سوسياليزم د عصري کېدو بهیر نوی پړاو پیل شوی. له هغه وروسته د دغه ګوند د هرې دورې مرکزي کمېټې درېیمې عمومي غونډې په اصلاحاتو او ورخصلان تمرکز کړی، يعنې د بحث عمومي موضوع نه بدلوي او يوازې د اصلاحاتو هدفونه يې توپير کوي.
د شلمې مرکزي کمېټې په درېيمې عمومي غونډې کې به کومې مهمې پرېکړې وشي؟
د معلوماتو له مخې، د دغې غونډې ګډونوال به د هېواد د اصلاحاتو په تړاو لا جامع پلان جوړ کړي او اوسني اقتصادي وضعيت ته په کتو به په پنځو برخو (چيني شکله عصري کېدل، اساسي اقتصادي سيسټم، بازاري اصلاحات، باکيفيته پرمختګ او د لوړې سويې ورخلاصون) وڅرخيږي او پدې اړه به د منځنۍ او اوږدمهالې مودې د اصلاحاتو تدبيرونه وټاکي.
چين به څنګه خپل اصلاحات او ورخلاصون ته وده ورکړي؟ له نړۍ سره به کومې پراختيايي ګټې شريکې کړي او ايا د چيني شکله عصري کېدو بهیر د پرمخبېولو ترڅنګ به نړيوال پرمختګ ته هم حياتي ځواک ورکړي؟
د شلمې مرکزي کمېټې جوړېدونکې درېيمه غونډه به يادو پوښتنو ته روښانه ځوابونه ورکړي.
د چيني او نړيوالو خبري رسنيو په راپورونو کې کله کله داسې جملې تر سترګو کيږي:”د چين پرمختګ نړۍ ته فرصتونه برابروي“،” د چين نوی پرمختګ نړۍ ته نوي فرصتونه برابروي“او د چين نوی پرمختګ او نړۍ ته برابر کړي نوي فرصتونه يې څنګه درک کولی شو؟
دا ډېره اسانه چاره ده او هر کس کولی شي، چې اړوندې شمېرې، فورمونه او ډېډاګانې وڅېړي او له دې لارې د دغو پوښتنو ځوابونه ومومي.
شنونکي په دې اند دي، چې چين نړۍ ته د پرمختګ خوځنده ځواک او اقتصادي ګټې ورکړي او پر دې سربېره يو بل ډېر مهم ټکی هم شته، هغه دا چې چين نړۍ ته يوه داسې پرمختيايي مفکوره ورکړې، چې پرمختيايي ماډل يې د چيني شکله عصري کېدو لارې ښودنه کوي او د لوېديځو هېوادونو له پرمختيايي ماډل سره څرګند توپير لري او پرمختيايي هېوادونو ته باور ورکوي، چې له خپل ملي وضعيت سره سمه لاره ومومي.
چين د خپل پرمختګ د موندلو ترڅنګ هڅې کوي، چې له نورو هېوادونو سره د پرمختګ فرصتونه شريک کړي، چين دا مفکوره هم خپره کړې، چې د چیني شکله عصري کېدل باید پر نورو هېوادونو د يرغل له لارې نه، بلکې د سوله ييز ګډ ژوند او ګډو همکاريو له لارې رامنځته شي، چين پر دغې مفکورې ټينګار لري او عملي کوي يې، نو ځکه نړيواله ټولنه دغه ګډ نظر ته رسیدلې، چې د چين پرمختګ د نړۍ پرمختګ په خوځښت را والي.
راځئ! د چين د کمونېست ګوند د شلمې مرکزي کمېټې درېيمې عمومي غونډې ته انتظار وکړو او وګورو، چې د چيني شکله عصري کېدو بهیر به څنګه روان شي او د انسانانو د ګډ برخليک ټولنې د جوړولو لپاره به کوم ډول بصيرت او نوښت وړاندې کړي.
