عرب نیوز: یو اسټرالیایي میلیاردر پر کانونو پانګونې ته لېوالتیا ښودلې

ودسم په نامه یوې اقتصادي ویبپاڼې د عرب نیوز په حواله راپور ورکړی دی چې یو اسټرالیایي میلیاردر د افغانستان پر کانونو پانګونې ته لیوالتیا ښودلې ده. راپور د یو اسټرالیایي چارواکي له قوله ویلي چې یاد میلیاردر غواړي د یو ټریلیون ډالرو په ارزښت د افغانستان پر کانونو پانګونه وکړي. افغانستان له بیلابیلو طبیعي سرچینو برخمن دی خو له تېرو څلورو لسیزو جګړو او اوسمهال د طالبانو او افغان حکومت تر منځ د سولې خبرو کې دوامداره ځنډ افغانستان له ناڅرګند برخلیک سره مخ کړی دی. په ورته وخت کې اداري فساد د بهرنیو مستقیمو پانګونو پر وړاندې تر ټولو ستر خنډ دی چې له امله یې د هیڅ هېواد پانګوال افغانستان کې پانګونې ته زړه نه شي ښه کولی.