امریکا افغان چارواکو ته؛ خلیلزاد دوحې ته تللی تاسې هم د سولې فرصت مه ضایع کوئ

امریکا وایي افغان چارواکي دې د سولې لپاره رامنځ ته شوی فرصت نه ضایع کوي. د امریکا د بهرنیو چارو وزارت وایي چې د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد دوحې ته سفر کړی دی چې د بین الافغاني خبرو د ژر پیلېدو لپاره کار وکړي. سرچینه وایي امریکا هڅه کوي چې ژر تر ژره بین الافغاني خبرې پيل شي، ځکه افغانان له جګړو ستړي شوي دي او دا یې غوښتنه ده چې تاوتریخوالی دې کم کړل شي. امریکا دغه راز پر افغان سیاسیونو هم غږ کړی دی چې د سولې لپاره دې رامنځ ته شوی فرصت نه ضایع کوي او ژر تر ژره دې بین الافغاني مذاکرات پيل کړي.