هند: ایران سره د چابهار بندر پراختیا کې همکارۍ لا ډېروو

د هند د بهرنیو چارو وزیر سابرامانیام جای شنکر ایران ته د سفر پر مهال ویلي چې هېواد به یې د چابهار بندر پراختیا کې له ایران سره همکارۍ لا ډېرې کړي. هندوستان ټایمز ورځپاڼې د نوموړي له قوله ویلي، دا بندر چې افغانستان لپاره هم مهم دی، دوی غواړي له ایران سره د دوه اړخیزو همکاریو پیاوړتیا لپاره د یاد بندر پراخولو برخه کې همکارۍ لا ډېرې کړي. نوموړي زیاته کړې، هندوستان په دې هڅه کې دی چې لویدیځو او د مرکزي اسیا هېوادونو ته په وچه کې د راګیر افغانستان له لارې لاسرسی پیدا کړي نو په همدې موخه د یاد بندر پراختیا برخه کې ایران سره هر اړخیزو همکاریو ته تیار دی.