د چين کمونېست ګوند د مرکزي کمېټې سياسي بيورو د دسمبر په ۹مې نېټې په يوې غونډې کې د ۲۰۲۵ کال اقتصادي کارونه څېړلي، د ډيسپلين څار مرکزي کمېسيون کاري راپور يې اورېدلی او په راتلونکي کال کې د ګوند په دننه کې د فساد ضد کارونه يې ترتيب کړي دي. د چين کمونېست ګوند د مرکزي کمېټې عمومي منشي شي جين پينګ د دغې غونډې مشري کړې ده.
په دغه غونډه کې راغلي، روان کال د هېواد د اقتصادي او ټولنيز پرمختګ د ۱۴م پنځه کلن پلان د پوره کولو کليدي کال دی. د چين کمونېست ګوند مرکزي کمېټې د شي جين پينګ په مرکزيتوب د ټولو ګونډي غړو او د مختلفو قومونو خلکو لارښوونې کړې او اقتصادي حالت يې عموما ثابت ساتلی او پرمختګونه يې موندلي. دغه راز د هېواد اقتصاد، علم او ټکنالوژۍ او هراړخيز ملي ځواک پر له پسې پياوړي شوي دي.