د ټولګټو وزارت ویاند محمد اشرف حقشناس وایي، چې د سالنګ لویه لاره د روان لمریز کال د مرغومې(جدي) تر څلورمې نېټې پورې د لویو مسافر وړونکو موټرو پرمخ تړل شوې. د حقشناس په وینا، چې دغه ګام په ورستیو څو ورځو کې د شدیدې واورې ورښت او ورسره مل توپان او د دې سربېره د کنګل له کبله د فرعې لارې د ظرفیت د کموالي له کبله اخیستل شوی. نوموړي دغه راز ویلي، چې کوچني مسافر وړونکي موټر د دې مسیر له فرعي لارې تګ-راتګ کولی شي او د سالنګ عمومي لویه لاره به د مرغومې په ۴مه نېټه پرانیستل شي.
