په افغانستان کې د ملګرو ملتونو د استازولۍ دفتر (یوناما) مشرې روزا اوتونبایوا امنیت شورا ته د افغانستان د وضعیت په اړه درې میاشتنی راپور وړاندې کړ. په دغه راپور کې روزا اوتونبایوا هېواد کې د وروستیو مسایلو په اړه خبرې کړې دي. اوتونبایوا ویلي، چې دغه بنسټ له افغانانو سره سږ کال ۱۵ اعشاریه ۳ میلیون ډالره مرسته کړې ده. په دغه راپور کې د اقلیمي بدلون له امله افغانستان ته د پېښو ګواښونو او زیانونو په اړه هم یادونه وشوه. روزا اوتونبایوا و ویل د اقلیمي بدلون تر ټولو شدید اغېز پر ښځو او ماشومانو دی. اخوا، د سرپرست حکومت ویاند د افغانستان په تړاو د ملګرو ملتونو د امنیت شورا د غونډې د جوړېدو په غبرګون کې ویلي و، چې د سرپرست حکومت د استازي له حضور پرته د دغه ډول غونډو پرېکړې به عقده يي او له واقعیته لرې وي.
