د چين د بهرنيو چارو وزارت وياند لين جيان د ډسمبر په ۲۰مه نېټه وويل، امريکا بايد ژر تر ژره د کيوبا د خاورې د ناقانونه اشغال مخه ونيسي، د ګوانتانامو زندان دې ژر تر ژره وتړي او کيوبا دې د ترهګرۍ د ملاتړو هېوادونو له نوملړ څخه وباسي.
ویاند لین جیان وویل، چین په ټینګه سره د خپل ملي حاکمیت او کرامت په ساتلو کې د کیوبا ملاتړ کوي او د کیوبا په کورنیو چارو کې د امریکا له لاسوهنې سره په کلکه مخالفت کوي. امریکا باید ژر تر ژره د کیوبا په خاوره کې د غیرقانوني اشغال مخه ونیسي، د کیوبا په وړاندې خپلې ځورونې او بندیز پای ته ورسوي، د ګوانتانامو زندان دې ژر تر ژره وتړي، له اړوند اډې څخه دې ووځي، هغه خاوره چې د کیوبا ملکیت دی، د کیوبا خلکو ته دې وسپاري او کیوبا دې له هغو هېوادونو څخه چې د تروریزم ملاتړ کوي، لرې کړي.