امریکا ولسمشر ډونالډ ټرمپ د فبرورۍ په لومړۍ ورځ یو اجرایوي فرمان لاسلیک کړ چې له چین څخه وارد شویو تولیداتو باندې ۱۰٪ ګمرکي تعرفې زیاتوي. د امریکا له خوا د سوداګرۍ د ساتنې له دې وروستي اقدام سره په نړیواله ټولنه او د امریکا دننه کې په پراخه کچه مخالفتونه شوي دي.
د چین د بهرنیو چارو وزارت ویاند مخکې ډېر ځله په دې اړه د چین دریځ بیان کړی دی او ویلي يې دي چې د سوداګرۍ او تعرفو د جګړو ګټوونکی نشته. چين به تل په کلکه خپلې ملي ګټې وساتي.
د چین د سوداګرۍ وزارت ویاند هم مخکې ویلي وو، چې د تعرفې په مسئلې کې د چین دریځ دا دی چې د تعرفې اقدامات نه د چین، نه د امریکا او نه هم د نړۍ له ګټو سره سمون لري.