د چين صدراعظم لي چيانګ د فبرورۍ په لسمه نېټه د دولتي شورا د يوې غونډې مشري وکړه. په دې غونډه کې چین کې د مصارفو د تحريک چارې وڅېړل شوې او (( د ۲۰۲۵م کال لپاره د بهرنيو پانګو د ثابتولو عملي پلان)) له سنجش وروسته تصویب شوی دی.
په دغه غونډه کې دې ته اشاره شوې، چې د مصارفو تحريک د کورنيو اړتیاوو د زياتوالي او د کورني دوران د فعاليت او پرمختګ لپاره مهم کار دی او ورته دې لا مهم ارزښت ورکړل شي. دغه راز د چين حکومت به د عایداتو د زياتوالي او د مصرف د زياتوالي په برخه کې د خلکو ملاتړ پياوړی کړي.
په دغه غونډه کې د بهرنيو تصديو رول مهم بلل شوی او ويل شوي، چې حکومت به د بهرنيو پانګو د پروژو لپاره ډاډمن خدمتونه برابر کړي او چين ته د بهرنیو تصدیو د کار کوونکو د تګ راتګ او اوسېدو په برخو کې لا زياتې انستياوې برابرې کړي.
