زلمی خلیلزاد: افغانان دې نور د ملامتیا بار پر امریکا نه اچوي

د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد په خپله یوه تازه مرکه کې ویلي دي بین الافغاني خبرې باید په افغانستان کې د جګړې د پای ته رسېدو سبب شي. دده په خبره امریکا د افغانانو ترمنځ خبرو ته زمینه برابره کړه نو اوس دوی ته په کار ده چې له دې فرصت ګټه پورته کړي او نور دې د جګړو ددوام له امله د ملامتیا بار پر امریکا نه اچوي. هغه د یوې پوښتنې په ځواب کې ویلي چې اقدامات یې د ټرمپ د ټاکنیز کمپاین لپاره نه دي، بلکې پر تعهداتو ولاړ دي که طالبان پر ژمنو عمل و نه کړي نو امریکایي ځواکونه له افغانستان نه وځي او امریکا هم پر هوکړه عمل نه کوي.