د چین د تایوان سیمې د ادارې مشر لای چینګ ده په دې وروستیو کې یو ځل بیا بې ځايه او ناوړې څرګندونې وکړې. هغه د مارچ په ۱۳مه نېټه وویل، د تایوان تنګي دواړه خواوې “یو له بل سره تړاو نه لري” او تایوان “یو خپلواک دیموکراتیک هېواد” دی. د ده پاروونکي بیان په بشپړ ډول د ۱۹۹۲م کال ګډ توافق ردوي او د دې لپاره يې هڅه کوي چې په پوره توګه د تایوان تنګي د دواړو غاړو تبادلې پرې کړي او دا د سولې ضد، تبادلې ضد او د ډیموکراسۍ ضد ناوړه نیت څرګندوي او تایوان د جګړې کرښې ته اړوي. د لای چینګ ده وینا کې تر ټولو ناوړه برخه دا ده چې د چین سترې برخې د “دښمن بهرني ځواک” په توګه ټاکل کېږي. ځینو مبصرینو اشاره وکړه چې د لای چینګ ده خطرناکې خبرې او کړنې د نقنين په برخه کې د “له چين څخه د تایوان بېلتون” په لور یو خطرناک ګام دی.
لای چینګ ده له ډېر وخت راهیسې پلان درلودلی چې یادې بې ځايه او ناوړې خبرې وکړي. له ۱۰میاشتو مخکې لای چینګ ده د تش په نوم د تایوان ادارې د مشر په توګه ټاکل شوی دی، خو هغه د حکومتولۍ توان نه لري او اوس په تایوان کې خلک د ده په اړه ډېر شکایت کوي. دغه راز هغه د چین د سترې برخې د پوځي ګواښ مبالغه کولو ته دوام ورکوي چې د خلکو د شخړو د اړولو هڅه کوي. د بهرنیو عواملو په لحاظ، د امریکا نوي حکومت د تایوان مسئلې په اړه محتاط دریځ غوره کړی او د تایوان د امنیت د ساتلو لپاره د علنې ژمنې څخه ډډه کوي. سربېره پر دې، د اوکراین د کړکېچ په اړه د امریکا رویه ناڅاپي بدله شوې، نو لای چینګ ده اندېښنه لري چې تایوان به هم د امریکا یو “بې سرپرسته ماشوم” پاتې شي.
مهمه نه ده چې څنګه لای چینګ ده د تایوان په اړه ناوړه کیسه جوړه کړي، دا نشي کولی حقیقت بدل کړي چې تایوان هېڅکله یو هېواد نه و، نه په تېرو کې او نه به په راتلونکي کې وي، په ملګرو ملتونو کې د تایوان سيمې یوازینی نوم “د چین د تایوان ولایت” دی. د يو چين پېژندنې اصول د نړيوالې ټولنې ګډه نظریه ده او په دې اساس ۱۸۳ هېوادونو له چين سره ډيپلوماتيکې اړيکې ټينګې کړې دي.
د روانې مياشتې په ۱۴مه نېټه د چين په سترې برخې کې د بېلتونپالنې ضد دولتي قانون د پلي کېدو د ۲۰مې کليزې په مناسبت یو سمینار تر سره شو. دا قانون د بېلتون او د مداخلې ضد مبارزې لپاره کافي حقوقي بنسټ برابروي او په تايوان تنګي کې د سولې او ثبات د ساتلو لپاره مهم ضمانتونه برابروي.
