له پاکستاني لوري سره د افغان کډوالو پر ستونزو خبرې شوي

د پاکستان په کراچۍ ښار کې د سرپرست حکومت سر کونسل سید عبدالجبار تخاري د سېند ایالت د پولیسو له رییس غلام نبي میمن سره کتلي. کراچۍ ښار کې د افغانستان کونسلګري وايي، دې کتنه کې تخاري د افغان کډوالو ستونزې او اندېښنې شریکې کړې او له پاکستاني لوري یې غوښتي، څو د هغو افغانانو له ځورولو لاس واخلي، چې د قانوني اقامت اسناد لري. د کونسلګرۍ په وینا؛ دې کتنه کې د سېند ایالت د پولیسو رییس، تخاري ته د هر راز همکارۍ ډاډ ورکړی دی.