د چين د بهرنيو چارو وزارت وياند ګوه جيا کون د اپريل په ۳مه نېټه د دغه وزارت په نوبتي خبري ناسته کې د امريکا د متقابل تعرفو د اعلان په اړه د چین دريځ څرګند کړ.
ګوه جيا کون وويل، چې امريکا د مساواتو په پلمه د چين په شمول د زياتو هېوادونو پر توليداتو تعرفې زياتې کړې دي او دغه کړنې يې د سوداګرۍ نړيوال سازمان له قواعدو څخه سخته سرغړونه ده.
ده ویلي چې د امریکا دا اقدام د څواړخيز سوداګريز سيسټم ته زيانونه رسوي. د نوموړي په خبره، چين د امريکا له دغې کړنې سره ټينګ مخالفت کوي او د خپلو قانوني ګټو د ساتلو لپاره به اړين تدبيرونه ونيسي.
