امریکایي رسنۍ: که ټرمپ ناکام شي د واک سوله ییز لېږد ته ژمن نه دی

ښايي ټرمپ په سوله ییزه توګه د واک له لېږد ډډه وکړي. د امریکایي رسنیو د راپورونو له مخې ټرمپ په څنګزنه توګه داسې ښودلې چې که په ټاکنو کې ماتې خوري نو ښایي پر واک د پاتې کېدو لپاره ټینګار وکړي. نوموړي د یوې پوښتنې په ځواب کې چې که په ټاکنو کې ماتې وخوري له واک به ګوښه کېږي کنه، ویلي دا به وخت وښيي. دده په وینا وروستۍ پرېکړه به د امریکا ستره محکمه کوي او په خبره یې ټاکنې به له درغلیو ډکې وي نو ځکه به ستونزې راولاړې شي. رسنۍ وایي د ټرمپ له خبرو داسې ښکاري چې د واک سوله ییز لېږد ته ژمن نه دی او که په ټاکنو کې ماتې خوري نو په امریکا کې به لا ډېرو ناندریو ته لمن ووهي.